Mitandao ya kijamii imekuwa sehemu muhimu ya uuzaji. Kila mtu hutumia mitandao hizi, kujumuisha soko wanaolenga, watumiaji na washindani. Kwa hivyo, ni muhimu kuanzisha uwepo wa mitandao ya kijamii na maudhui mapya na ya kuvutia; ambayo huleta trafiki kwenye tovuti yako na kubadilisha wageni kuwa wateja watarajiwa.

Kwa bahati nzuri, tofauti na aina za kawaida za utangazaji, kampeni yenye mafanikio ya mitandao ya kijamii haihitaji uwekezaji mkubwa. Unahitaji tu, kujua mikakati ya kuunda – machapisho ya kushirikisha au kutafuta usaidizi wa mfanyabiashara maarufu kama Yellow Pages, ili kushughulikia kampeni zako za mitandao ya kijamii.

Kwa hivyo, hapa kuna vidokezo vya kukusaidia kuunda maudhui ya kuvutia ambayo yatachochea mitandao yako ya kijamii na kufikia hadhira unayolenga:

Tumia manukuu sahihi

Tumia maneno machache unapoelezea taswira yako. Unaweza kutumia kichwa cha habari kinachovutia kila wakati, swali au maoni ili kuvutia umakini na kuelezea mchoro wako.

Ujumbe mrefu na unaotumia muda unaweza kupoteza umakini wa wafuasi na kuwafanya waache kufuata chapa yako. Kwa hivyo, ni muhimu kuwaweka wapendezwe na chapa yako, kwa kuzingatia uandishi wa maudhui mafupi mafupi, yaliyonyooka na yanayoeleweka.

Fikiria kutumia emoji

Emoji zinaweza kuwa zana bora za kufanya ujumbe wako ukumbukwe na hadhira yako.

Kulingana na utafiti, watu ambao upokea ujumbe wenye emojis, hufanya vyema kwenye majaribio ya kumbukumbu, kuliko washiriki ambao husoma ujumbe, bila emoji.

Kwa hivyo, kumbuka kujumuisha emoji zinazofaa ili kuongeza sauti na vivutio vya kuona kwenye chapisho lako.

Ongeza picha au Video za ubora

Hadithi nzuri lazima iwe na ujumbe rahisi na wa moja kwa moja kila wakati. Hakikisha kujumuisha picha au video katika kila chapisho, ikiwa unatumia mitandao ya kijamii kutangaza chapa yako.

Hasaa, fikiria kuchukua picha zako. Unaweza kuajiri mpiga picha mtaalamu au kununua kamera bora badala ya kutegemea picha zilizotumika kwa machapisho ya mitandao.

Pakia picha au video zinazovutia hadhira yako, na uangalie jinsi utapata likes mingi katika kurasa za mitandao ya kijamii.

Ongeza Hashtag Husika

Kwa ufikiaji ulioongezeka, jumuisha maneno muhimu na ya sasa. Hakikisha unatafuta lebo za reli za tasnia yako mtandaoni na uchanganue zile zinazotumiwa na wapinzani wako ili kubaini ni zipi zinazofaa zaidi.

Hashtag, zinaweza kufichua nyenzo zako kwa hadhira pana zaidi, zinapotumiwa kwa busara. Hata hivyo, kumbuka kwamba – sio majukwaa yote ya mitandao ya kijamii yanaunga mkono alama za reli kwa usawa.

Usisahau CTA

Aina zote za maudhui zinahitaji mwito mkali wa kuchukua hatua (CTA), hasaa, kwenye mitandao ya kijamii ili kuwazuia watumiaji kuvinjari chapisho lako bila kuelewa ni kwa nini wamesoma tu.

Unaweza kualika hadhira yako kujifunza zaidi, kujaribu kitu, au kununua chochote – kwa kuuliza swali, kushiriki kiungo, au zote mbili.

Kumbuka kuwa; CTA ya kuvutia inapaswa kuwa fupi, na wazi.

Chapisha Kwa Wakati Ufaao

Muda wa chapisho ni muhimu vile vile kama kuandika maudhui ya mitandao ya kijamii ya kuvutia.

Kwa kila tasnia, kuna nyakati na siku mwafaka za wiki za kuendesha chapisho lako.

Kwa hivyo, kuipata ipasavyo – inahitaji majaribio na makosa. Inaweza kukusaidia kubaini siku bora zaidi za kupokea maoni na mwingiliano mwingi wakubainisha wakati hadhira yako ipo mtandaoni.